“سعد لمجرد كيشوق المتابعين ديالو بصورة من كواليس عملو الفني الجديد”

 

إكسبريس تيفي/المصطفى شعب:

سعد لمجرد، النجم الكبير اللي عندو متابعين بزاف على مواقع التواصل الاجتماعي، قرر يشارك جمهورو  على إنستغرام مجموعة الصور الكواليس ديال عملو الجديد.
وكتب  تعليق على الصور قال فيه: “عارف أنكم كاملين مستنين هاد العمل! شكون مستعد للموسيقى الجديدة؟”، وهاد السؤال عطا فضوا باش يتفاعل معاه متتبعينو لي كيتسناو ببزاف ديال الحماس باش يسمعو العمل الجديد بالاخص السؤال الغامض ديال الموسيقى الجديدة كلشي كيتسائل اشنو هو اللون الجديد اللي غادي يفاجأنا بيه مع العلم أن لمجرد دائما كيجيب نوعية جديدة كيحاول يمزج ببن الإيقاع السريع،الأغنية الحركية ،الشبابية والرقص ..

هاد الحركة ديال لمجرد كتزيد من تشويق جمهورو، على وسائل التواصل الاجتماعي باش يجذب انتباه متتبعيه ويدير لهم فضول يتسناو شغلو الجديد. واغلب التعليقات على صورو كانت زوينة وكلها دعم وتشجيع من محبيه، اللي عطاوه حب كبير لانهم كيقدرو الفن و النجاح ديالو.