إكسبريس تيفي/
عناصر البوليس في ولاية أمن القنيطرة بفضل معلومات دقيقة لي وفراتها المديرية العامة لمراقبة التراب الوطني، تمكنو في الليلة ديال نهار الإثنين 22 يناير، باش يلقيو القبض على شخصين، واحد فيهم عندو 39 عام، والثاني عندو 55 عام. حيث شكوا بأنهم كيزورو ديبلومات رسمية وشواهد دراسية وكيعرضوها للبيع .
عملية القبض كانت وفق معلومات دقيقة داروها عناصر البوليس. المتهمين اللّي اعتقلوهم كانوا ملتبسين وهما كيعملو تزوير لدبلومات تعليمية وشهادات دراسية باش يستعملوها بطريقة غير قانونية. التفتيش لي دارها البوليس عثرو فيه على 94 دبلوم وشهادة وبيانات ديال النقط مزورة، وتمكنوا باش يحجزوا على اوراق إدارية أخرى مزيفة وجوج بيسيات وآلة ديال الطباعة لي كانوا كيسهلوا بيها الجريمة.
بعدما دارو ليهم التنقيط في قاعدة بيانات الأمن الوطني كشفات أن واحد منهم موضوع بحث على الصعيد الوطني من طرف البوليس القضائي في الرباط، بسبب اشتباه في تورطو في قضية ثانية لي متعلقة بإصدار شيك بدون رصيد.
البوليس قرر يحتفظ بيهم تحت الحراسة النظرية والبحث القضائي، باش يكشف على كل الظروف والملابسات ديال هاد القضية ويحدد كل الجرائم لي وقعو فيها المعنيين.
