اكسبريس تيفي/ المصطفى شعب :
في هاد اليوم بالفضاء اللي كيحتاضن التظاهرة ديال الايام المفتوحة للأمن الوطني وبالتزامن مع الزيارة اللي كيقوم بها السيد أندريه أغوستو باسوس رودريغيز المدير العام للشرطة الاتحادية البرازيلية للمغرب وقع مع السيد المدير العام للأمن الوطني ولمراقبة التراب الوطني عبد اللطيف حموشي مذكرة تفاهم حول تعزيز التعاون الثنائي وتبادل الخبرات في المجال ديال الأمن.
هاد المذكرة الثنائية اللي كتهدف لتأطير وتطوير قنوات التعاون المشترك بين الأمن المغربي والبرازيلي في المجال ديال مكافحة الجريمة المنظمة العابرة للحدود ،ومكافحة الاتجار غير المشروع للمخدرات بكل انواعها،والإرهاب والاتجار في البشر بمن فيهم المهاجرين والتجارة ديال الاسلحة النارية والمتفجرات والاجزاء ديالها،وغسل الاموال والتزوير بكل انواعه والجريمة السيبرانية…
وعلى المستوى ديال العمليات والمساعدة التقنية كتقضي المذكرة بالتقوية وتبادل الخبرات فمجال التكوين الشرطي وبناء القدرات وتطوير تبادل المعلومات والوسائل التقنية والتكنولوجيات وتقديم الدعم في الميدان ديال الأبحاث والتحقيقات المشتركة وتحديد آليات دائمة للاتصال بين الجانبين.
وشكلات الزيارة أيضا فرصة للمدير العام للشرطة الوطنية الاتحادية البرازيلية للاطلاع على التجربة ديال الأبواب المفتوحة اللي كتنظمها المديرية العامة للأمن الوطني كل سنة،وكل مرة بمدينة ،قام بزيارة لأغلب الاروقة واطلع على العروض الكاملة اللي كتقدم للمواطنات والمواطنين ، استعرض المقاصد ديال هاد التظاهرة التواصلية اللي كتجسد مفهوم الشرطة المجتمعية.
وهاد الزيارة كتوضح المكانة اللي أصبح كيحتلها الأمن المغربي ضمن المنظومة دياب التعاون الأمني الدولي من خلال الموقع ديالها كشريك ثقة كيقدر يواجه التحديات الأمنية وأيضا بأعتبار انها قطب جهوي يدعم التعاون الشرطي الثنائي والمتعدد الأطراف مع المختلف ديال الدول .
