إكسبريس تيفي: مصطفى الفيلالي
النائب البرلماني هشام آيت منا المترشح لرئاسة فريق الوداد الرياضي أكد في خرجة إعلامية له اليوم على قناة جريدة “الصباح” أنه واعي بالسيولة المادي اللي محتاجها الوداد باش تنطلق فموسمها الجديد بلا أي مشكل.
آيت منا قال في خرجته الاعلامية: “الوداد محتاجة 40 حتى ل50 مليون ديال الدرهم باش تبدا موسمها الرياضي”.
وأضاف المتحدث نفسه: “فبرنامجي الانتخابي عقود المستشهرين جاهزة، وحطيت أنا والمكتب اللي غنشتاغل معه ضمانات مالية، وكنأكد للجمهور أننا غنوفروا السيولة المادية اللي محتاجها الفريق، وبإمكاننا حنا بشكل شخصي نكملوا الفارق”
وتابع: “برنامجي الرياضي كيركز بشكل كبير على سنة 2025، اللي غيلعب فيه الوداد كأس العالم للأندية بنسخته الجديدة”.
