متابعة
أطلق “ويجز” عمله الجديد بعنوان “أنا”، عبر قناته على يوتيوب ومنصات الموسيقى المختلفة، وكانت المفاجأة تصدر فيفي عبده صورة الغلاف، ما أثار تفاعلاً كبيرًا وحماسًا من الجمهور.
أغنية “أنا” من كلمات ويجز، إنتاج وتسجيل مصطفى مصطفى. وحرصت فيفي عبده على الترويج للأغنية، عن طريق نشر مقطع فيديو عبر حسابها على “تيك توك”، معلقة عليه: “أنا وويجز في أغنية جديدة بعنوان أنا قريباً”.
في سياق آخر، تصدر ويجز حديث “السوشيال ميديا” بعد خلافه مع رامي صبري خلال الأيام القليلة الماضية.
هذا الخلاف نشأ على خلفية تصريحات رامي صبري في برنامج “حبر سري”، حيث سألته أسما إبراهيم عن مطربي الراب الذين يرغب في عمل دويتو معهم.
رد رامي صبري قائلاً: “مروان بابلو شاطر، ممكن أعمل معاه، وكمان ويجز بس مش عارف هو زعلان مني ليه. أنا قلت في بعض الكلمات في أغانيه مش بيفهمها بس، وده حاجة طبيعية، لكنه شاطر ومجتهد”.
رد ويجز على تصريحات رامي صبري من خلال فيديو قال فيه: “هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت.. الفنان دا اسمه رامي، والفنان دا كل ما بيقعد من 4 لـ 5 شهور يزهق ويطلع يتكلم على بتوع الراب في التليفزيون”.
وأضاف ويجز: “هتكلم أمتى على بتوع البوب اللي أنت منهم، واللي في مجالك، أنا شايف مبتفهمش في الراب حاجة زي ما أنت قلت قبل كده، ومش هتعرف تعمله، وأنت كده مبتقدرش الفنانين وفاكر أنهم عايزين يوصلولك، وهما أصلاً معدينك بكتير، أنت رقم 19 يا رامي، أنت بعيد أوي”.
