إكسبريس تيفي: مصطفى الفيلالي
البرلمان الإسباني وافق فجلسة عامة تحت ضغط المنظمات الإنسانية والحقوقية على تسوية وضعية المهاجرين اللي كيعيشوا فالبلاد في وضعية غير قانونية.
هاد القرار كيطالب الحكومة بتسوية وضعية نصف مليون مهاجر اللي مكيتوفروش على إقامة فالبلاد، علما أن الإحصائيات الرسمية كتكلم عن وجود نحو 470 ألف فقط، وثلثهم من القاصرين.
الحكومة غتعطي الأسبقية للأشخاص اللي كيشتغلوا بطريقة غير قانونية بحيث بغات تستافد من مداخيل الضرائب عن عملهم.
عديد المؤشرات كتقول بلي الحكومة غتصادق على الخطوة وغتبناها بشكل رسمي يوم الثلاثاء المقبل رغم ضغوطات الاتحاد الأوروبي اللي كيدرس قوانين معاكسة لتشديد سياسة الهجرة.
