إكسبريس تيفي/المصطفى شعب:
تم هاد اليوم بمدينة نيويورك الأمريكية فأشغال الدورة 19 لمنتدى الأمم المتحدة اللي انتخاب السيد عبد الرحيم هومي اللي كيشغل منصب المدير العام للوكالة الوطنية للمياه والغابات نائب لرئيس منتدى الأمم المتحدة اللي كيهتم بالغابات باسم ديال أفريقيا لمدة عامين 2024\2026
أعلن السيد عبد الرحيم هومي خلال الكلمة اللي لقى في اجتماع المائدة المستديرة حول موضوع ” الحلول الحرجية للازمات الكوكبية الثلاثية : تغيير المناخ وفقدان التنوع البيولوجي والتلوث، واخيرا التصحر والجفاف وإزالة الغابات” علن على ان المغرب طلق مبادرة كتركز على الإدارة المجتمعية من أجل الغابات ،والابتكار التكنولوجي والتمويل المستدام ووضح أن المغرب بلد كيدعم الجهود ديال منتدى الأمم المتحدة اللي كيهتم بالغابات .
وجات المشاركة ديال المغرب اللي تمتلاث بالوكالة الوطنية للمياه والغابات (ANEF)في الأعمال ديال الدورة 19 اللي صادفات النسخة الرابعة لتخليد اليوم العالمي لشجرة اركان،كما تفاعلات الوكالة في شخص السيد عبد الرحيم هومي مع المشاورات والنقاشات والقضايا اللي عندها الاولوية حول السياسات اللي يقدرو يديرو للدعم الدولي للمحافظة على الغابات ،مثلا مضاعفة الفوائد السوسيو اقتصادية والبيئية اللي كتوفرها الغابات،ويزيدو يعبؤوا الموارد المالية وأيضا يعززوا التعاون العلمي والتقني، ويعززوا الاطر ديال الحكامة باش يتحسن التدبير المستدام ديال الغابات .
وزاد أكد السيد عبد الرحيم هومي على أنه من الضروري يتزاد الدعم التقني والمالي للتدبير المستدام ديال الغابات ويتزاد أيضا تضافر الجهود في الإطار ديال المبادرات الإقليمية باش تزاد الأهمية اللي تعطات للحلول الحرجية اللي كيبان أنها حل فعال لهاد الأزمات الثلاث اللي كيعاني منها الكوكب،وأعلن على أن المملكة المغربية كتقترح باش يتم إطلاق مبادرة بدعم منتدى الأمم المتحدة اللي كيهتم بالغابات باش يتم تعبئة ديال خبراء بزاف من مختلف الدول والمنتظمات اللي كتنتمي ليها واستخدام التكنولوجيا وتعبئة التمويل.
وزاد السيد المدير العام للوكالة الوطنية للمياه والغابات بأن المغرب كيجعل القضايا ديال اي حاجة عندها علاقة بالغابات من الأولويات ديالو وكيوعد أنه يوضع على العاتق ديالو ضرورة السعي والاستمرار فيه بالأخص استراتيجية” غابات المغرب2020\2030 “اللي طلق سيدنا الله ينصرو صاحب الجلالة الملك محمد السادس فعام 2020
وكانت شكلات هاد الدورة ديال المنتدى فرصة باش يتزاد يسلط الضو على الاستراتيجية والترويج لها.
واختتمات الأشغال ديال هاد الدورة 19 من منتدى الأمم المتحدة بانتخاب المغرب في شخص المدير العام للوكالة الوطنية للمياه والغابات السيد عبد الرحيم هومي نائب ديال رئيس المنتدى للفترة 2024\2026 باسم القارة ديال أفريقيا وهو اللي كيبين الثقة اللي كتمنحها كل الدول الافريقية وأعضاء منتدى الأمم المتحدة للمملكة المغربية الشريفة وأيضا كيعزز الريادة ديال المغرب في بزاف ديال المجالات البيئة والتدبير المستدام للغابات
