إكسبريس تيفي : المصطفى شعب
علاقة بموضوع الحادثة المفجعة اللي وقعات في أزيلال مصالح الدرك الملكي اعتاقلات السائق بتهمة القتل غير العمد، هاد السائق ديال حافلة النقل المزدوج اللي تسبب في الحادث المميت اللي وقع نهار 17 مارس مباشرة مني تبثات عليه المسؤولية المباشرة على الحادث وتم الإيداع ديالو رهن الحراسة النظرية ريتما يكمل البحث اللي تفتح تحت إشراف النيابة المختصة.
هاد الحادث اللي وقع على الطريق الجهوية رقم 302، الرابطة بين آيت بوكماز وآيت بواولي وتسبب في مقتل 10 الاشخاص، 8 ماتو في مكان الحادثة وجوج في سيارة الإسعاف اللي كانت متوجهة بيهم للمستشفى.
وبالنسبة للعدد الجرحى اللي توجهو للمستشفى الإقليمي لأزيلال 12 شخص مع العلم أن من بين اللي ماتو 4 ديال أطر التدريس.
