إكسبريس تيفي/المصطفى شعب:
انتشر على نطاق واسع شريط فيديو كيوثق احد السائقين وهو كيدهس بالسيارة ديالو 3 ديال الاشخاص قبل ما يصطدم بمخفر للشرطة بمدينة أكادير.
تمكنو رجال الشرطة اللي كانوا كيتواجدو بعين المكان من إيقاف السائق ديال سيارة سوداء ،ترقيم مغربي اللي اتضح أنه مكانش في الوعي ديالو بحكم انه كان سكران، ومقطع الفيديو اللي انتشر بشكل سريع بزاف كيوثق العملية ديال الدهس من بدايتها لغاية اللحظة اللي اصطدم بمخفر الشرطة ،هاد رجال الأمن اللي سارعوا باش يحاولوا يعتقوا الأشخاص كما يوضح الفيديو المتداول وتم إلقاء القبض على السائق وتصفيدو .
كتعتبر هاد الحادثة الخطيرة مؤشر على الخطورة ديال تهور بعض السائقين اللي مكيكونوش في الوعي ديالهم بسبب استهلاك بعض المواد المخدرة أو الخمر ،لهذا يجب اتخاذ إجراءات قاصحة بزاف في حقهم باش على الاقل يتخفف من هاد النوعية ديال الحوادث اللي كتأدي للعاهات المستديمة ولا الوفاة في بعض الحالات ،ويجب أيضا تشديد الرقابة وتطبيق القوانين ديال المرور بشكل صارم باش تضمن السلامة ديال المواطنين على الطرقات.
وندعو السائقين باش يتوخاو الحذر والمزيد من الانتباه أثناء القيادة ويحاولوا يتجنبوا المسائل اللي كتخذر كالمخدرات أو الأدوية المنومة أو المشروبات الكحولية واي حاجة عندها تأثير على التركيز ديال السائقين.
نتمناو باش تكون هاد الحادثة تذكير لكل سائق بالاهمية ديال الالتزام بالقوانين ديال الطريق والسير باش ينجي نفسو وينجي الغير
الفيديو يوثق الحادثة
