إكسبريس تيفي/✍المصطفى شعب :
الاعتقالات جات على خلفية تحقيقات في ملف “الاختلاس ديال تعاونيات اللحوم الحمراء” اللي كان كريمين رئيسها. الملف وصل للوكيل العام للملك بعد ام حققو وسمعو لجميع الأطراف وواجهوهم بالتهم بخصوص اختلاس فلوس الدعم العام، بالاخص دعم تربية الأبقار والعجول، ودعم الأعلاف والشعير المدعم.
من خلال التحقيقات، طلعات امور غير قانونية، مثلا السي الرئيس ديال التعاونية حول 200 مليون سنتيم لحسابو الشخصي. و اكتشفو تلاعب فالأبقار والعجول لي داخلة من الخارج، وكيفاش دارو حتى حولو بعضها للحوم حمراء وباعوها فالسوق، وداروا وثائق تثبت أنها ماتت لأسباب صحية .
البوليس قرر يجبد رأس البدراوي بالملف لتورطو فالعلاقات مع رئيس جماعة بوزنيقة المعزول، وكذلك بملكيتو لمزرعة، مع الاعتبار أنو من المستفيدين من دعم تربية العجول والأبقار، الابحثات اللي كانت مكثفة. مع رئيس جماعة بوزنيقة المعزول زادت عقدات القضية خصوصا أن الملكية الفلاحية جمعت بين رئيس الجماعة المعزول ورئيس الرجاء، لي كان غادي يتولى قطاع النظافة فالجماعة.
وزيادة على هادشي، بينات التحقيقات لتحويل مشبوه ديال مليار و500 مليون لشركة فمرحلة الانتداب السابق، وأيضا تأسيس شركة جديدة، مع ثلاثة رؤساء، منهم رئيس الجماعة نفسه ومدير شركة النظافة دياله.
القضية حساسة وقضية الاعتقال خرجات فوقت حساسة بالنسبة للرجاء بعد وقت قصير من اعتقال رئيس الوداد في ملفات ديال المخدرات والتجارة في البشر اسيادي القضية غادا وكتحماض وماشي بعيدة يطيحو ريوس آخرين في نفس الملف
والسلام عليكم
