إكسبريس تيفي
عبد الرزاق باحدة
خصصت جماعة الدار البيضاء مساحة كبيرة بزاف بقلب الحي المحمدي باش تنجز اكبر منتزه في المدينة، وعلى حسب معلومات توصلت بهم اكسبريس تيفي من كريم كلايبي عضو مجلس المدينة والنائب الأول لرئيس مقاطعة عين السبع، فإن المساحة المذكورة هي مكان كاريان سنطرال سابقا الواقع بتراب مقاطعة عين السبع اللِّي استفدوا السكان ديالوا من السكن اللائق.
ويضيف الكلايبي، بأن شركة الدار البيضاء للبيئة توصلت بقرار مشروع المنتزه الكبير، وخدامين حاليا على إعداد الدراسات وتصاميم تهيئة المنتزه بفضاءات خضراء وترفيهية وثقافية.
وأكد لينا الكلايبي بأن جماعة الدار البيضاء وبهذ المشروع ديال المنتزه الكبير سدات الباب في وجه المنعشين العقاريين اللِّي كانو طامعين في هذ المساحة الكبيرة، من جهة للموقع الاستراتيجي ديالها ومن جهة أخرى بحكم الحمولة التاريخية للكاريان في العاصمة الاقتصادية، وبالتالي فهذ المنتزه الكبير غادي يحافظ على الحمولة التاريخية والثقافية لكاريان سنطرال خصوصا وانه عطى بزاف ديال المقاومين في عهد الحماية.
