إكسبريس تيفي/المصطفى شعب:
بهاد المناسبة ديال عيد الفطر علن المكتب الوطني للسكك الحديدية عن برنامج خاص ديال سير القطارات اللي غادي يبدا من اليوم حتى 16 من هاد الشهر ،وهي أنهم غادين يبرمجو 240 قطار كل النهار.
صرح المكتب فواحد البلاغ جا حيث توقعو ان الوثيرة ديال السفر في هاد العطلة غادا تزاد ،وباش الزبناء ديالهم يسافرو مرتاحين وفي أمان .
اما فيما يخص قطار ديال البراق غادي يحاول المكتب يدير ليه برمجة خاصة بيه النهار كامل من 7 ديال الصباح حتى 22 في أيام الذروة لربط مدينة طنجة بالفنيطرة والرباط والدار البيضاء ويقدرو يزيدو بالنسبة للمدن اللي فيها الرواج.
اما بالنسبة لقطارات اطلس غادي يزيدو من الطاقة الاستيعابية ديال القطارات المتجهة لمراكش،الدار البيضاء، فاس وجدة،الناظور،خريبكة،أسفي.
كما أن المكتب ديال السكك الحديدية منساش يزيد يعزز الفرق اللي كتكلف باستقبال المسافرين والارشاد ديالهم داخل المحطات وحتى في القطارات اسبوع كامل و24ساعة.
وباش ميوقعش الزحام ولا التعطال وصى المكتب الزبناء باش يحاولو يشريو التذاكر قبل وقت السفر ومن أجل هذا المكتب وفر بزاف ديال الطرق والاماكن باش يسهل عليهم سواء في شباك التذاكر ولا الشباك الآلية وحتى عبر الإنترنت https://www.oncf-voyages.ma، وبعض الوكالات المعروفة فحال كاش-بليس و بربد-كاش وتسهيلات.
ونهار العيد بالظبط غادي ينقص المكتب من عدد القطارات لهذا فخاص المسافرين يعرفو الوقت ديال القطارات على هاد الموقع https://www.oncf-voyages.ma ، ولا يقدرو يعيطو ل 2255 ولا عبر تطبيق ONCF TRAFIC ويقدرو يتبعو الوقت ديال القطارات مباشرة عبر الشاتبوت M’ONCF
على الرقم 0667652255
