إكسبريس تيفي/المصطفى شعب:
عدسة حسن شعب:
بهاد المناسبة العظيمة ليلة القدر المباركة وككل سنة فهاد الشهر الفضيل صاحب الجلالة الملك محمد السادس كيترأس حفل ديني في مسجد الحسن الثاني بمدينة الدار البيضاء ،وبهاد المناسبة كينبثق الفرح والسرور في القلوب ديال كل المغاربة اللي كيتسناو اي فرصة يشوفو فيها الملك ديالنا الله يحفظو وكباقي مدن المغرب سكان ديال سيدي مومن بالدار البيضاء غادي يتاجهو بارواح مطمئنة وقلوب خاشعة باش يصليو وراه في مسجد واحد .
كتجلى روح الايمان والتضامن بهاد المناسبة العظيمة حيث كيجتامعو الناس باش يصليو التراويح ويقومو الليل في هاد المسجد المبارك فحال جميع مساجد العالم العربي و الاسلامي وفكل بقاع العالم كيملأ النور والسكينة أروقة المساجد ،وهاد الجمع والصلاة ورا سيدنا الله ينصرو كيعبر فيها الشعب المغربي عن مدى التقدير والحب والامتنان لهاد الفرصة النادرة بجوارو.
ويبقى سكان منطقة سيدي مومن، الجوهرة ،الملحة الإدارية الامان ،من ضمن كل المغاربة اللي كيستعدو بكل فرح لانها كتعكس الروح الوطنية العالية والتضامن الانساني وكتعزز قيم السلام و التسامح اللي كتحملها هاد الليلة المباركة وتظهر للعالم بأسره مدى تعلق الشعب بالعرش العلوي والأسرة الملكية
