إكسبريس تيفي
انتشر مقطع فيديو على منصات التواصل الاجتماعي فالساعات القليلة الماضية، وخلق جدل كبير وغضب المغاربة، بعد ما ظهرات فيه فتاة وهي كتقوم بتحدي “Blind Dating” لي هو برنامج مشهور عند الأجانب.
وكيوثق الفيديو لحظات اختيار الفتاة لشاب لمواعدتو من بين 4 شبان، حيث كتقوم بطرح بعض الأسئلة وفكل مرة كتقوم بإقصاء واحد منهم، باش يبقى فلخر شاب واحد فقط، وبهذا يكون ربح فالتحدي ، لكن مأثار الغضب بشدة على هاذ الفيديو هو قيام الفتاة بجعل الكلبة ديالها تختار بلاصتها شاب لي ربح لأمر لي عتبرو الكثير أنه إهانة للمجتمع المغربي و أن هاذ لأشخاص وهاذ البرنامج مكيمثلوش صورة المغرب والمغاربة.
