إكسبريس تيفي/المصطفى شعب:
فتحات المصلحة الولائية للشرطة القضائية بمدينة القنيطرة بحث قضائي تحت إشراف النيابة العامة صاحبة الإختصاص، لبارح الاثنين فالعشية 15 أبريل ، باش تحدد ظروف تورط بوليسي (موظف شرطة برتبة حارس أمن)، خدام بالأمن الإقليمي ديال سلا واخد كونجي، في قضية كتعلق بحيازة وترويج المخدرات والمؤثرات العقلية.
وتم توقيف البوليسي المشتبه فيه فواحد العملية أمنية تنفذات فقنيطرة، بتنسيق مع مصالح المديرية العامة لمراقبة التراب الوطني، متلبس بحيازة 151 غراما من مخدر الكوكايين وبزاف ديال علب اللصاق كيتستعمل في التخدير، حصلو عندو فلوس بالدرهم والاورو شاكين أنهم فلوس التجارة.
وهاد المشكل جا بسباب البحث بعد القبض على ثلاثة ديال الاشخاص بمحطة القطار بالقنيطرة، الشهر اللي فات لقاو عندهم 203 غرام ديال الكوكايين، فهاديك الوقيتة تم الشك بأن هاد البوليسي اللي تشد عندو علاقة بهاد الشي
من جهة اخرى المديرية العامة للأمن الوطني صدرات قرار بالتوقيف المؤقت لهذاك البوليس بينما سالات المجريات ديال البحث القضائي ليتسنى تحديد التدابير الإدارية اللازمة في حقه.
