إكسبريس تيفي/المصطفى شعب:
غرفة الجنايات الابتدائية بمحكمة الاستئناف بالدار البيضاء غلقات ملف طبيب التجميل حسن التازي، من بعد ما حكمات عليه بسنتين ديال السجن وسنة موقوفة مع إسقاط التهمة ديال التجارة بالبشر والمتابعة ديالو بتحريض الغير على الإدلاء بتصريحات كاذبة.
ومن جهة اخرى تم الحكم على الزوجة ديالو باربع سنوات والاخ ديالو عبد الرزاق بخمس سنوات،
اما اللي كانت كتنتحل الصفة ديال فاعلة الخير “زينب”تم الحكم عليها بخمس سنوات واللي كانت مكلفة بالحسابات “سعيدة” و”أمينة”باربع سنين لكل وحدة منهم اما “فاطمة”بثلاث سنوات.
النيابة العامة كانت تابعتهم بعدد كبير من التهم : الاتجار بالبشر والنصب والاحتيال والتزوير في محرر تجاري واستعماله والمشاركة في التزوير والمشاركة في اختلاق احداث ووقائع غير صحيحة ومفبركة لغرض استعمالها في النصب في حين أن المتهمين كانوا نفاو تهمة الاتجار بالبشر اما فيما كيخص التازي المتهم الرئيسي غادي يخرج في هاد الليلة من سجن عكاشة اللي كاين في عين السبع بالدار البيضاء
