إكسبريس تيفي/المصطفى شعب:
من بعد ما العسكر دخل السياسة مع الكرة ورفض باش نهضة بركان يلعبو بالقميص الرسمي اللي لعبو بيه في جميع المقابلات الافريقية بدون اي مشكل ،ورغم أن الفريق الجزائري كمل المسرحية و دخل الملعب لوحده باش يبين بأن الفريق المغربي هو اللي داير المشكل تم إلغاء المباراة لان المندوب متمكنش من تأكيد القانونية ديال الأقمصة اللي صيباتهم الجامعة الجزائرية لكرة القدم ،ناسين وبفكر هاوي أن كل قرار خاصو دراسة من بزاف النواحي على سبيل المثال أن القميص عندو ناس خاصين بيه ديال الاشهارات والفريق ملزم أنه يرتديه بموجب عقود و ماشي غير جي وخود قرار في لحظة .
وبعد هاد الرفض ديال لعب المباراة اللجنة ديال المسابقات التابعة للاتحاد الافريقي لكرة القدم (CAF) غادي يتم إعلان النتيجة في إطار مباراة ذهاب نصف نهائي كأس الكونفدرالية الإفريقية في انتظار ذلك تحية لكل طاقم نهضة بركان اللي شرفو المغاربة وبينو أن حب الوطن أكبر من مجرد لقاء كروي!
