بالفوز ديالو ببطولة افريقيا المنتخب المغربي للتنس للفئة دون 14 سنة يضمن تأهله لبطولة العالم في التشيك”

 

إكسبريس تيفي/المصطفى شعب:

ويستمر التألق ديال الأسود في مختلف الرياضات وهاد المرة رياضة التنس ،للفرق الفئة ديال أصغر من 14 سنة ،في الختام ديال هاد المسابقة القارية اللي تنظمات في تونس مابين 6 حتى ل 11 من هاد الشهر والفوز ببطولة افريقيا كيضمن التذكرة ديال بطولة العالم اللي غادة تقام في شهر غشت بدولة التشيك المنتخب الوطني ذكور تحت قيادة الربان حميد عبد الرزاق اللي ربح في دور المجموعات كل من الجزائر تونس، واوغندا قبل مايفوز على جنوب إفريقيا وعلى اصحاب الارض في المباراة النهائية .
وتمكن ايضا المنتخب المغربي ديال الاناث تحت الاشراف ديال المدرب الوطني محمد الغابة من التتويج باللقب بعد ما ربح في دور المجموعات تونس الجزائر وزيمبابوي،واستاطعت الاناث باش يربحو جنوب افريقيا في النصف النهائي ومنتخب مصر في النهائي بنفس النتيجة يعني 3/0 وبفضل هاد التتويج المشرف يكونوا من المنتخبات لغادة تلعب بطولة العالم للتنس وبفضل هاد النتائج الرائعة و الايجابية كتمكن المملكة المغربية من الحصول على اللقب ديال احسن بلد افريقي في التنس للسنة السادسة على التوالي لانه بطل في مختلف الفئات العمرية كما جا على لسان السيد زكريا الزمراني عضو الجامعة الملكية للتنس
فهنيئا لهم ولهن وهنيئا لنا بهم وبهن