إكسبريس تيفي/المصطفى شعب:
خلال الدورة 74 لكونغرس الاتحاد الدولي لكرة القدم اللي تقامت بتايلاند عبر السيد فوزي لقجع رئيس الجامعة الملكية المغربية لكرة القدم ورئيس لجنة كأس العالم 2030 على الفخر ديالو بتواجدو وقال أنها فرصة استثنائية لينا باش نقدمو مع شركائنا البرتغال والاسبان الرؤية والركائز اللي غادي يعتمدها الملف ديالنا بخصوص الاستضافة ديال كأس العالم لكرة القدم 2030 واللي كنتمناوها تكون ديما ,شاملة ,مبتكرة ومزدهرة.
وصرح السيد لقجع أن الترشيح ديالنا هو ترشيح لكل إفريقيا وكل العالم العربي إلى جانب بطبيعة الحال أوروبا، ويشرفنا أننا نكونو قادرين باش نرحبو بالعالم ونستاضفوه عندنا،ونفتاخرو بوحدتنا وبالثراء ديالنا المتنوع خاصة في الملعب الجديد اللي بصدد الاعادة ديالو بالدار البيضاء
ومن الجهة الثانية صرح الرئيس ديال الاتحاد الإسباني لكرة القدم السيد بيدرو روشا أن المشاركة فهاد الكونغرس هي مصدر فخر واعتزاز بالأخص مني تعطاتنا فرصة نشرحو فيها المشروع ديالنا لاستضافة كأس العالم 2030.
وجا الدور ديال الشريك الثالث فرناندو غوميز رئيس الاتحاد البرتغالي لكرة القدم وقال إن الملف ديالنا كيشمل ثلاث ديال الدول كتنتمي لقارتين وهاد الأمر فريد من نوعه لأنها اول مرة في تاريخ كأس العالم ولكن بحكم الشعبية ديال كرة القدم راه الهدف كيتجاوز الحدود الجغرافية ديال القارتين.
