إكسبريس تيفي/المصطفى شعب:
بفضل السياسة الحكيمة اللي خدام بيها المغرب أصبح عندو وزن في شتى المجالات والميادين وهادشي ماشي صدفة بل هو ثمار ديال سنوات من العمل والسهر ،بالأخص من صاحب الجلالة الملك محمد السادس نصره الله اللي عطى الانطلاقة ديال الاصلاح زد على ذلك المسؤولين على القطاع الرياضي عن طريق العديد من الشراكات والاتفاقيات الدولية مع مختلف الاتحادات الإفريقية لكرة القدم.
من أجل هذا العمل الجبار من الناس القائمين على المجال ديال كرة القدم والسياسة الخارجية بالأخص مع الاخوان ديالنا بافريقيا الملاعب ديالنا غاتستقبل 13 منتخب غادي يلعبو 9 المقابلات برسم تصفيات كأس العالم 2026 عن الجولتين الثالثة والرابعة.
وبطبيعة الحال كان اختيارهم المملكة المغربية ماشي صدفة نظرا لحسن الضيافة والكرم اللي أصبح الكل كيعرف ببه المغرب بل الأكثر أنه ولا علامة مغربية خالصة .
غادي نحطو ليكم البرنامج كامل في الاخير ديال المقال واللي كين من ضمنه المقابلة اللي غادي يواجه فيها المنتخب المغربي المنتخب الزامبي ،وبطبيعة الحال غادي تزيد تساهم في الترويج ديال الثقافة الكروية ديالنا و ترفع المكانة ديال المغرب من بزاف ديال المجالات :اقتصادية سياحية وتساعد حتى في خدمة المصالح ديالنا سياسيا.
بالنسبة للمدن اللي غاد تستقبل المباريات كينة الجديدة ،وجدة،بركان
والبرنامج على هاد الشكل :
المغرب – زامبيا (7 يونيو / ملعب أدرار بأكادير)
سيراليون – جيبوتي (5 يونيو / بملعب العبدي بالجديدة)
إفريقيا الوسطى – تشاد (5 يونيو/ الملعب الشرفي بوجدة)
غامبيا – سيشل (8 يونيو / الملعب البلدي ببركان)
ساوتومي – ليبيريا (9 يونيو / الملعب الشرفي بوجدة)
جيبوتي – إثيوبيا (9 يونيو / ملعب العبدي بالجديدة)
غينيا – موزمبيق (10 يونيو / ملعب العبدي بالجديدة)
تشاد – جزر القمر (11 يونيو / الملعب الشرفي بوجدة)
سيشل – بوروندي (11 يونيو / الملعب البلدي ببركان)
ولا عزاء للحاقدين ودائما شعارنا الخالد الذي ورثه آبائنا عن أجدادنا ونورثه نحن لأبنائنا الله الوطن الملك
دمتم في رعاية الله
