اكسبريس تيفي
صحف أمريكية وعالمية تكلمات عن تطوير علماء صينيين لواحد السلالة متحورة من كورونا، كتسمى” GX_P2V”، وقتلات فئران للتجارب بنسبة وصلات إلى 100 فالمائة؛ الشيء لي طلق دعوات عالمية لتشديد المراقبة على المسافرين لي جايين من الصين، وحتى على السلع.
الدعوات انطالقات بعد حديث الإعلام الأمريكي عن تحذيرات الخبراء من إمكانية تسرب هاد الفيروس القاتل من المختبر، كيفما وقع مع كوفيد-19، للي مازال بكين كتواجه اتهامات خروجوا من مختبر بـ”ووهان”.
العلماء الصينيون كتبوا في دراستهم أن هاد المتحور كيدمر بشكل كبير الرئتين والعينين والقصبة الهوائية والمخ”؛ لكن الغريب، بحسبهم، هو أنه عينين الفئران لي تجرب فيهم التجربة ولاو بيضين وماتوا بسرعة وفظرف 8 أيام.
وفالمغرب، المصدرين أكدوا أن هاد المخاوف كتواجه “نظام مراقبة قوي في مطارات وموانئ المملكة”؛ وبعض الخبراء الصحيين كيشوفوا أن هاد الأنواع الجديدة المنشقة من فيروس كورونا سكان العالم عندهم مناعة ضدها؛ لكن هادشي مكيمنعش مواصلة اليقظة والحذر”.
