إكسبريس تيفي/المصطفى شعب:
في مدينة لشبونة بالبرتغال بالظبط المقر ديال الاتحاد البرتغالي لكرة القدم وحضور كل من السي فوزي لقجع رئيس الجامعة الملكية لكرة القدم والسي بيدرو روشا رئيس الاتحاد الإسباني لكرة القدم والسي فيرناندو غوميز رئيس الاتحاد البرتغالي ،اللجنة لي مكلفة بتنظيم نهائيات كأس العالم 2030 ليلة الثلاثاء علنات على الشعار الرسمي لهاد البطولة العالمية اللي غادي يتشاركو في تنظيمها ثلاثة ديال الدول إسبانيا والبرتغال وبطبيعة الحال بلادنا المغرب .
هاد الشعار ملون بربعة ديال الألوان هي الأزرق الأحمر الأخضر والاصفر وفي الوسط كرة ديال القدم ،ومكتوب رقم 2030 اللي كيعني السنة ديال التنظيم وجملة هيا بنا (yalla vamos 2030)وفي الجهة السفلى للشعار توضعو الرموز ديال الإتحادات بثلاثة ديال الدول اللي منظمة هاد البطولة.
وتم تقديم السفراء ديال كأس العالم 2030 اللي غادين يمثلو بلدانهم ومني كنقولو البرتغال اول اسم كيتطرح بالنسبة للبرتغال هو اللاعب الكبير لويس فيغو بالنسبة لاسبانيا المايسترو انيستا وبالنسبة للمغرب اللاعب الدولي السابق صخرة الدفاع نورالدين النيبت واللاعب النجم التوغولي السابق إيمانويل أديبايور سفيرا عن إفريقيا وهذه اول نسخة تقام بثلاث قارات (أمريكا الجنوبية، أوروبا و إفريقيا )وبالنسبة للمواجهات الثلاثة الأولى غادي تلعب في الارجنتين ،باراغواي وأوروغواي
